जा जा ........... मंजुळा, जा
मी तुला केली क्षमा
जरी तू केलास माझा कम्प्लीट मामा
तसा मी अत्यंत क्षमाशील
पण यानंतर जर परत येशील,
तर यावं लागेल ढोपरांवर रांगत
'मी चुकले, चुकले, चुकले असं सांगत
दारातच उभी राहा भीक मागत
मी नाही आता तुझं देणं लागत
साला! लग्न करणार म्हणे त्या वश्याशी ?
त्या आगाऊ येडपट बावळट घुश्याशी?
अगं, पण मला तुझी जडलीय सवय .....
तुझं हसणं, रुसणं.... सगळं मला हवंय
जा जा जा .... खुशाल लग्न कर आणि मर!
नाही, पण ते शक्य नाही
मागं ठेवलयस बरंच काही
वातावरणात तुझा श्वास
नकळत घेतलेला तुझा ध्यास
'मंजू, हे आण,' 'मंजू, ते आण'
मंजू झालीय सहावा प्राण
या बायका साल्या पक्क्या चोर
नाकात नकळत घालतात दोर.
आपण अस्वल, ह्या दरवेशी
आणि ह्या म्हणे पायाच्या दासी !
